انتبه .. طموحى للمدى
أنا مش غريبة
أنا منكم
لكنى لا .. مش زيكم
رغم الجذور
رغم الظروف
قلبى اخضراره شوق شغوف
مليان دفا جواه رضا
زمنى وحياتى ف الحروف
أنا مش غريبة
لكن تكوينى كده
حاسة ما بينكم باغتراب
حزنى لحوح رافض جواب
شجنى بوضوح
بياخدنى لمساحة بكا
وأنا وسطكم
والنظرة منكم ضيقة
وأنا براحى للمدى
وطموحى دا أد البحور
وحرفى يكتب
بدمى ع السطور
محتاج لحد يفهمه
ويكون بشر
ليست هناك تعليقات:
إرسال تعليق