الدخان
ليه الحزن بيجمعنا
معكوسة مرايات الأمل
وبتنحنى
طاغى عليه دمع العيون
يا عنكبوت السنين
يا سحاب الدخان السارى
بين صحارى القلوب
ليه بتجمعنا ساعات الموت
وتضمنا وقت السكوت
لون الحقيقة انطفى
وبقى ضد الزمن
معاناة على وش النهار
بتسحب البسمة بعيد
عن وش القمر
ليه السهر لف السرير
جوا القلق
وشاركنى المرار
لكنه جمعنا سوا
جوه ساحات الانكسار
رغم إننا
لسه بنحضن بعضنا
من حزننا
ليست هناك تعليقات:
إرسال تعليق