صورة مهزوزة
وكأن شئ فيّا
بيشدنى ليّا
محصورة بين ذاتى
وكأنى مش هى
مشدودة بين نفسى
ممسوحة الذكرى
وكأنى بين نكرة
موجودة محسوبة
خارج إطار كونها
مسنودة بظنونها
والحزن ف جفونها
يا فروع تنادى الشجر
وعروق تنادى الدم
مشدودة بين لا شئ
لا حاسة لا باهتم
يا مولدى اللى فات
اولدنى من تانى
حمحم واملانى
أنا تهت ف مكانى
حسينى يا لحظتى
متشرديش فكرى
وكأنى من صغرى
وخدانى وبتجرى
يا لحظتى همى
وخُدينى من حالى
قولى لى أنا هى
ولا أنا مالى
امتى حيرجع لى
كيانى من تانى
وأحس بأنى أنا
الواقفة ف مكانى
ليست هناك تعليقات:
إرسال تعليق