مصري
إهداء إلى "الدكتور زويل"
مصرى ف كل مكان
ولهفته طوفان
يا غنوة متأصلة
تحكى تاريخ أزمان
يا حكمة الأجداد
يا قيمة الإنسان
وطن وله عنوان
بيعافر الغربان
بقوة شموخ الشمس
وضى انصهار القمر
وحضارة تحكى الأمس
يا نبع خير النيل
سر الحياة بيميل
ف أحضان أراضينا
وقلوب ف أعماقها
سر انجذاب لينا
يا توب بلون أخضر
فارد سنابل فرح
يا أدين بتتقابل
تتعافى تبنى الصرح
وتعلى ف الحاضر
يا ضوء نهار بلدى
ف شروق أمل حاضر
يا مصرى يا صابر
شد زمام العمل
والاحتمال قادر
يرفعنا فوق الكون
يا مصرى يا قادر
يا فكر يا نادر
مصرى ف كل مكان
يا قيمة للإنسان
ليست هناك تعليقات:
إرسال تعليق