******************
لحن الحنين
الناشر
منارة إسكندرية للنشر والتوزيع
رقم الإيداع: 9179/98
الخميس، 4 أكتوبر 2012
لحن الحنين
لحن الحنين
ملامحك .. سماحتك
لحوحة ف عيونى
وضوحك صراحتك
قانونك قانونى
ولونك ف لونى
امتزاج الطبيعة
مشاعرك بريئة
ورقيقة وجريئة وحقيقة
بكارة كلامك
ونضرة زمانك
حبيبة وصديقة
عيونك بتنده عيونى
تعشش ف قلبى
تصور . شموعك
ف ليلى تنور
ودمعك ف دمعى
دا قلبك صغير
طفولة عواطفك
ف حاجة لأمومتى
فقرب شكاوى
بعادك لبعدى
وقرب أدينا
وأفرد ف بسمة
وشوشنا علينا
واوعى تفكر
تباعد ملامحك
خلاص ارتضينا
أحبك
بكل المعانى الجديدة
القديمة
البعيدة القريبة
الصريحة . الفصيحة
أحبك
برغم انشغالك وخوفك
طموحك . ظروفك
عيوبك
أحبك
عيونك حكيت لى
شهامتك قالت لى
خلاص مش حتبعد
وأنا عارفة قلبك
دا قادر لما يوعد
سكنت وياك القمر
سكنت وياك القمر
حزمه مشاعر
متبروزة ف حلم القدر
وسكنت وياك القمر
غمرنى سحرك ع الوتر
ومنحتنى غنوة الحياه
شراع نجاة
فرح وسهر
عمر وسمر
قربتنى
ورسمتنى
وردة ف رسايل رحلتك
عطرك ومعنى بهجتك
اسعدتنى
ولمست قلبى
حزنك المكنون ف نفسك
مد ايده جوا نفسى
وجوه همسى
نسيت معاك
ونسيت معايا كل شئ
وبقينا إحنا جوه روحنا
وبين طموحنا
كل شئ وأغلى شئ
سافر العمر اللى فات
وعزفت لى حلمى الجديد
عمرى اللى جاى
غنوة حياة
وأحلى خبر
إسكندرية كمان وكمان
إسكندرية كمان وكمان
إهداء إلى المخرج العبقري
"يوسف شاهين"
إسكندرية يا بدر
يا نبع الهامى
عمرى واحلامى
ف دفاكى يا حورية
إسكندرية يا شوق
حبك ف قلبى طوق
بيفرد الألحان
إسكندرية زمان
إسكندرية الآن
كمان وكمان وكمان
ف الروح وف الوجدان
إسكندرية العشق
عشقك ف حضنى سنين
بترفرفى ع العود
والشط كله حنين
آه يا هنا بساتين
وذكريات غايبين
يا ضحكة النسمة
جوه قلوب ملايين
يا بحر يا غيه
موجك ملاغيه
بيدادى ف الأصحاب
والفرحة شمسية
والبسمة ع الطبطاب
تلم شمل الصيف
ويكون هواها كيف
يجمع الأحباب
إسكندرية يا بدر
تنام الكلمة
تنام الكلمة
ما بين لحظة ولادة
ولحظة موت
حياة بتفوت
وتتكون
يمامة بترسي ع الشاطئ
بتتنهد وتتكلم
بتفرح أو بتتألم
بتتعلم وتتهجى أمور الطير
صباح الخير
بيصحى الصمت
تدب حياة ف أنفاسه
يدون حرف كراسه
وتبقى الذكرى أجراسه
يميل الخيط تجاه طرفه
يكون دايرة
يحزمها ويحميها
فتتعلق ف دنيا الحلم
وتتلملم وتتحاور
وتستسلم لصفو الروح
يدور الود بين الدم
ويتلاقى ف ركن القلب
وشوق الهم
وهى حياة
يا تغرق فى بحور ليلها
يا أما تلقى أيد تسند
وتبقى نجاة
وتكبر وسط معاركها
تمر سنين تعاركها
تدوق البعد
تدوب ف القرب
وشرق وغرب
تكون الشمس
بين ناسها
وفارسها ودارسها
وحارسها
ولكن تيجى لحظتها
حياة بتفوت
تنام الكلمة
تبقى سكوت
ف لحظة صمت
لحظة موت
لحظة موت
مسكونة عذوبة
مسكونة عذوبة
الشوق عاشق نبراتك
المتخبية ف ثورة صوتك
وريحة فنجان القهوة
ف بسمة وشك وسكوتك
تكوينك وتعبيرك ونضوجك
وردود فعلك . ووجودك
كل خرايط عمرك
اندمجت ويايا
جذبتنى
شدتنى من توبى
وقوانينى وانينى
ودروبى
بين الآهة
وبين الكلمة
صورة ومسكونة عذوبة
يتحدد م الوهلة الأولى
إحساسك بيا
وبتديلك رد الفعل
أنك فارس حلمى
وضلى
تمام .. تمام
تمام .. تمام
كله صحيح على ما يرام
رغم الصراع
رغم الصدام
رغم الضياع
والانفصام
والزحام وسط النظام
والصمت بين وهج الكلام
رغم الزعيق
رغم البكا .. رغم الندا
والآمال متبغددة
رغم الغروب
قلوبنا تبقى كبش الفدا
رغم التواجد والشعور
والورود وسط الصخور
وصعب الوصول
للحقيقة والرضا
رغم دا كله
كله تمام
دا شكل عام
لكن نفوسنا مهربدة
وبعد دا أو دا ودا
مستنين بكرة الشروق
يمكن تفوق الدنيا
من كل دا
وكله تمام على ما يرام
حتى لو مر علينا
الحب ده مر الكرام
بيضيف لنا
نسمة حياة
إحساس أمل
يبرق بنور
لازم يدور
علشان نعيش
لازم نعافر موج الحياة
نحلم يجوز
بكرة الأمل
بكرة السلام
والدنيا تبقى
ماشية تمام
كلام .. كلام
أدمنت شوقك
أدمنت شوقك
شغوفة اللحظة لصوتك
تراتيل التعبير الساكنة
جوارحى براكين
ورياح الوجع المزمن
سهرانة ف عشى
أدمنت الشوق
لسؤالك.. لجوابك.. لسكوتك
آسرنى التوهج
بيشعل لحظاتى
ويجذبنى لموج الاحتمال
والاشتعال بين الحروف
بيطوف
ماليها خوف
رغم الظروف
قلبى شغوف
للحظة لقا
نشوانة
نشوانة
نشوة الصخرة
مخمورة
ف أحضان البحر
يلفعها
ويثور الموج ويعدى
يتخاصموا
يتصالحوا
ويهدى
دا وفاقهم أبدى
إنما
ف الحلم الطاير
ويايا
من غير جناحات
مصلوب
على بابه سؤال
إيه سر الحضن
يفضفض إحساس
يفضفض إحساس
باكتب وقت ما تتحجر
دمعاتى
وسنون القلم السامعة ـ صراخى
من جوايا
تعرف تنطق ألمى
وتترجم إحساسى
وتفصلنى عن تكوينى
وتحولنى
لعالم حرفى يمسك
طرفى المربوط
بمشاعرى وشفافية روحى
يفضفض شعرى
ف ورقة عمرى
وسط وجودى
المح حرفى يداعب
فكرى جوه بحورى
أبدا أكتب
انتبه .. طموحى للمدى
انتبه .. طموحى للمدى
أنا مش غريبة
أنا منكم
لكنى لا .. مش زيكم
رغم الجذور
رغم الظروف
قلبى اخضراره شوق شغوف
مليان دفا جواه رضا
زمنى وحياتى ف الحروف
أنا مش غريبة
لكن تكوينى كده
حاسة ما بينكم باغتراب
حزنى لحوح رافض جواب
شجنى بوضوح
بياخدنى لمساحة بكا
وأنا وسطكم
والنظرة منكم ضيقة
وأنا براحى للمدى
وطموحى دا أد البحور
وحرفى يكتب
بدمى ع السطور
محتاج لحد يفهمه
ويكون بشر
الاشتراك في:
الرسائل (Atom)